Fluid Verve

Never Mind!

A hindi poem published in Tehelka Hindi. Following is the same poem in English script:

Never Mind!
Raat ko nind aati nahin aur subah khulti nahin
Aaj bhi late, boss kalsega!
Full speed pe car bhagaun magar
Road pe traffic ki bharmaar hai
Aaju-baaju waala har driver bekaar hai
Just chill!
Never Mind kar de!

Office main kaam kam aur meeting zyaada karte hain
Deadline tak project kaise banega?
Quality ka standard aur girega, har koi gair-zimmedaar hai
Mood hoga to chai pila dega, peon hi yahaan ka sarkaar hai
Soch mat, bas …
Never Mind hi kar de!

Coffee-sutta break main office gossips,
Who was caught with whom locking lips
Auroon ke phate main jhaankna hi inka karobaar hai
Office politics main koodne ko har koi tayaar hai
Forget it!
Ise bhi Never Mind kar de!

Ghar ke kaam niptaane ka waqt na jaane kab milega
Credit card, phone, internet, sab ke bills pending hain
“Fursat to hoti nahin tumhain”, Family ke shikwe beshumaar hai
Kaise samjhaun, life main pange hazaar hai
Kya karain!
*sigh* Never Mind kar de!

Murder, Scam, Terrorism, Mishaps
News sunkar mood off hogaya
Saala har neta gaddaar hai
Pura system hi bekaar hai
On second thoughts…
Why should I care?!
Ise bhi Never Mind kar de!

Log jaise dikhte hain waise hote nahin
Firse chuna lag gaya!
Kisi ki fitrat ka kya bharosa
Har koi dhokhe-baaji main kalakaar hai
Usne bhi jhooth bola ki usse mujhse pyaar hai
Sab bakwaas hai!
Ekdum Never Mind kar de!

Chain ki saans ka scope nahin hai
Jab dekho dimaag main koi-na-koi tension
Basically…crib karna sabka janam-sidh adhikaar hai
Lekin aise khoon jalaana, yun hi bheja pakaana bilkul bekaar hai
Chood yaar!
Never Mind kar de!